01.01.2026

Паважаныя жыхары і госці Докшыцкага раёна!

Прыміце самыя шчырыя і сардэчныя віншаванні з Новым 2026 годам!

Новы год - самае добрае і ўсімі любімае свята чараўніцтва, цудоўнага абнаўлення ранейшага жыцця, час новых надзей і паспяховых здзяйсненняў задуманага. Ён аб'ядноўвае нас у любові да родных і блізкіх, да краіны, у якой мы жывем і працуем, да сваёй малой радзімы. Гэта час, калі ўсе мы ўспамінаем самыя яркія падзеі года адыходзячага і загадваем жаданні.

Для кожнага з нас 2025 год быў асаблівы. Кожнаму дарагi чымсьці сваім.

Верым, што ў 2026 годзе мы разам зможам паспяхова вырашаць самыя смелыя і самыя сур'ёзныя задачы, будзем талерантныя і памяркоўныя адзін да аднаго.

Няхай у новым годзе спраўдзяцца ўсе вашы мары і самыя запаветныя жаданні! Няхай у вашых дамах заўсёды будуць душэўны спакой і дастатак, згода і мір! Няхай Новы год прынясе вам дабрабыт, зберажэ ад узрушэнняў і нягод, захавае і прымножыць усё добрае, што дасягнута вамі!

Ад усёй душы жадаем вам моцнага здароўя і аптымізму, удачы і шчасця, новых поспехаў і значных дасягненняў на карысць нашага раёна і на карысць усёй Беларусі!

Раённы выканаўчы камітэт
Раённы Савет дэпутатаў