26.01.2021

Уладзімір Андрэйчанка прыняў удзел у пасяджэнні Докшыцкага раённага выканаўчага камітэта

22 студзеня 2021 года старшыня Палаты прадстаўнікоў Нацыянальнага сходу Рэспублікі Беларусь Андрэйчанкі У.П. прыняў удзел у пасяджэнні Докшыцкага раённага выканаўчага камітэта па пытаннях рэалізацыі ў раёне патрабаванняў Дырэктывы Прэзідэнта Рэспублікі Беларусь ад 4 сакавiка 2019 г. № 7 «Аб удасканаленні і развіцці жыллёва-камунальнай гаспадаркі краіны» і працы са зваротамі грамадзян і юрыдычных асоб у 2020 годзе.

Старшыня Палаты прадстаўнікоў падкрэсліў, што Дырэктыва № 7 - ключавы праграмны дакумент развіцця жыллёва-камунальнай гаспадаркі, рэалізацыя якога павінна забяспечыць дабрабыт жыцця насельніцтва краіны.

Як адзначыў У.П. Андрэйчанка, сфера ЖКГ займае ў раёне лідзіруючае становішча па колькасці зваротаў і скаргаў. Пра гэта кажа і тое, што вырасла колькасць прэтэнзій, якія паступілі за мінулы год на адзіны нумар 115. Каб забяспечыць выкананне Дырэктывы і вырашыць праблемы, з якімі звяртаюцца жыхары раёна, Старшыня Палаты прадстаўнікоў звярнуў увагу кіраўніцтва і адпаведных службаў раёна на неабходнасць своечасовага і якаснага рамонту дамоў, дарог, забеспячэнне насельніцтва якаснай пітной вадой, выканання іншых надзённых задач. Пры гэтым было сказана і пра важнасць граматнага падыходу да засваення грашовых сродкаў, а таксама пашырэння інфармацыйна-асветніцкай працы з насельніцтвам.