11.08.2026

У выхаваўча-аздараўленчым лагеры "Бярозка" прайшлі мерапрыемствы ў рамках рэспубліканскай дабрачыннай акцыі "У школу з добрым сэрцам" і рэспубліканскай інфармацыйна-асветніцкай акцыі "Крок да поспеху"

Лагер наведалі першы сакратар абласнога камітэта БРСМ Жанна Нарыцына, начальнік прадстаўніцтва Віцебскага абласнога ўпраўлення Рэспубліканскага цэнтра па аздараўленні і санаторна-курортным лячэнні насельніцтва Алеся Чорная і вядучы спецыяліст прадстаўніцтва Марына Абірала, першы сакратар раённага камітэта БРСМ Вераніка Наровіч.

Госці азнаёміліся з добраўпарадкаваннем лагера, адказалі на актуальныя пытанні дзяцей і ўручылі ім падарункі да новага навучальнага года.

У сваю чаргу хлопцы і дзяўчаты прадставілі дарослым забаўляльную праграму «Бярозка» аб'ядноўвае!».