07.07.2026

У Докшыцкім раёне пад кіраўніцтвам старшыні раённага Савета дэпутатаў Валянціны Рандарэвіч і з удзелам старшыні райвыканкама Сяргея Абірала праходзіць дзень Сітцаўскага сельсавета

У населеных пунктах былі арганізаваны прыёмы грамадзян. Вяскоўцы змаглі задаць хвалюючыя пытанні, агучыць свае праблемы.

Старшыня райвыканкама Сяргей Абірало выслухаў жыхароў аг. Сітцы, якія ўзнялі пытанні, што датычацца медыцынскага абслугоўвання насельніцтва, а таксама грэйдзіравання дарогі ад аграгарадка да в. Порэчча.

Кіраўнік дэпутацкага корпуса раёна Валянціна Рандаравіч сустрэлася з жыхарамі в. Заборцы, якія паскардзіліся на няякасную мабільную сувязь у населеным пункце.

На прыёмах, якія праводзіліся ў іншых населеных пунктах, гучалі пытанні:

- асартымент тавараў у аўтакрамах

- абкос зямель агульнага карыстання

- выдаленне аварыйнага дрэва

- добраўпарадкаванне дарогі каля могілак у в. Малыя Сітцы і інш.

Усе пытанні ўзяты на кантроль, адказным асобам дадзены даручэнні па ліквідацыі недахопаў.