18.10.2021

У Докшыцах прышчапіцца ад каранавіруса можна ў любы час

Працягваецца вакцынацыя ад каранавiруснай інфекцыі. На сённяшні дзень такая прафілактычная мера - самая магутная зброя ў барацьбе з пандэміяй. І толькі разуменне ўсімі намі гэтага факту дазволіць паспяхова адолець COVID-19 і вярнуцца да звычайнага жыцця.

У раёне ўжываюцца дзве вакцыны: «Спадарожнік V» (Расія) і «Клеткі Vero» (Кітай). Акрамя будных дзён, вакцынавацца можна і ў суботу. У гэты дзень прывівачны пункты працуюць з 8 да 13 гадзін у паліклініцы, Крулеўшчынскай участковай і Бягомльскай раённай бальніцах.

Для яшчэ большай зручнасці пацыентаў прышчэпку можна зрабіць нават ноччу: у прыёмным пакоі ЦРБ з 14 гадзін суботы да 8 гадзін панядзелка.

Ад каранавiруснай інфекцыі таксама можна зрабіць прышчэпку на працоўным месцы. Жадаючых павінна быць не менш за дзесяць чалавек. Па папярэдняй заяўцы ў калектыў выедзе брыгада медыкаў.

Не разважайце, а запісвайцеся на вакцынацыю!

Тэлефоны для даведак: 5-75-86, +375 (29) 1407074.

Таццяна ПАДБЯРЭЗКАЯ

На фота: Калектыў РЦГiЭ прышчапіўся стоадсоткава

Фота з асабістага архіва

https://www.dokshitsy.by/2021/10/privitsya-ot-koronavirusa/