18.09.2026

У Докшыцах прайшоў святочны канцэрт "Усе мы разам - Беларусь", прымеркаваны да Дня народнага адзінства

Жыхароў раёна са святам павіншаваў старшыня райвыканкама Сяргей Абірало:

– Гэта знамянальнае свята аб’ядноўвае нас вакол адной агульнай ідэі – захаваць і ўмацаваць нашу Радзіму, яе адзінства і незалежнасць. Дзень 17 Верасня – гэта адна з трох гістарычных дат нароўні з Днём Перамогі і Днём Незалежнасці, якія даюць нам магчымасць азірнуцца ў мінулае, каб моцна трымаць у руках сваё сучаснае і абараняць будучыню. Гісторыя нашага раёна – гэта жывое сведчанне каштоўнасці народнага адзінства. Да 1939 года Докшыцы і Бягомль заставаліся палавінкамі аднаго разарванага сэрца. Гістарычны верасень назаўсёды сцёр бар’еры, што раздзялялі нас, і вярнуў землякам радасць жыць і працаваць на роднай, непадзельнай зямлі. Няхай гэтае свята напаўняе нашы сэрцы пачуццём гонару і любові, дапамагае ацаніць тое, што ў нас ёсць: мір, стабільнасць і дабрабыт.

Сімвалічна, што ў Дзень народнага адзінства ў раёне прымаюць у рады грамадскіх аб’яднанняў новых членаў.

Урачысты момант – уручэнне білетаў РА РГА «Белая Русь» і раённага аддзялення Віцебскай вобласці Беларускай партыі «Белая Русь».

Дзень народнага адзінства

Беларусь! Моцная! Добрая! Адзіная!

Бяжыць час. У сучаснасць мы ўзялі ўсё самае лепшае, напоўнілі гукамі, колерам і сэнсам.