28.08.2026

У Докшыцах правёў прыём грамадзян намеснік старшыні Дзяржаўнага камітэта па маёмасці Рэспублікі Беларусь Мікалай Бобер

На прыём звярнулася жыхарка в. Янкі, якую цікавіла пытанне правамернасці афармлення зямельнага ўчастка сумежным землекарыстальнікам, у выніку чаго быў перакрыты праход да вадаёма.

Падчас прыёму Мікалай Бобер даў тлумачэнні, што вадаём, які раней знаходзіўся ў агульным доступе, а цяпер агароджаны, насамрэч законна належыць цяперашняму ўласніку. Рашэнне пытання доступу суседзяў да вады для паліву агарода можа быць знойдзена толькі ў плоскасці добрых чалавечых адносін.

Тым не менш Мікалай Паўлавіч даручыў аддзелу землеўпарадкавання Докшыцкага райвыканкама пагутарыць з уласнікам вадаёма аб прадастаўленні магчымасці карыстацца вадой суседзям-пенсіянерам.