12.08.2026

У Докшыцах адбылася ўрачыстая цырымонія ўручэння ключоў ад новых арэндных кватэр супрацоўнікам РАУС

Навасёлы атрымалі жыллё ў сучасным 5-павярховым доме, узведзеным на вуліцы Усходняй.

Ва ўрачыстым мерапрыемстве прынялі ўдзел начальнік УУС Віцебскага аблвыканкама палкоўнік міліцыі Максім Субота і старшыня райвыканкама Сяргей Абірала.

- Забеспячэнне камфортнымі жыллёвымі ўмовамі тых, хто стаіць на варце правапарадку і бяспекі грамадзян, з'яўляецца адным з прыярытэтных напрамкаў дзяржаўнай сацыяльнай палітыкі, - адзначыў Максім Субота і асабіста ўручыў запаветныя ключы.

Дом пабудаваны з выкарыстаннем сучасных тэхналогій і адпавядае ўсім стандартам камфорту: кватэры маюць зручную планіроўку і гатовую ўнутраную аздобу.

Пасля афіцыйнай часткі ўдзельнікі мерапрыемства і шчаслівыя ўладальнікі квадратных метраў адправіліся аглядаць кватэры.