02.07.2026

Трэці – Бацькаў!

Напярэдадні Дня Незалежнасці нованароджаны Макар Ходаравіч з Докшыц стаў першым у раёне, які атрымаў асаблівы падарунак ад Прэзідэнта Рэспублікі Беларусь Аляксандра Лукашэнкі – сімвалічны сямейны абярэг «Бацькава кашуля».

Хрэсьбінную кашулю з беларускім арнаментам у драўляным куфры ўручыла бацькам малога, Паўлу і Кацярыны, старшыня раённага аддзялення партыі «Белая Русь» Алена Камінская.

Цырымонія адбылася ў раённым ЗАГСе, начальнік якога Ірына Богавіч правяла цырымонію ўручэння пасведчання аб нараджэнні. Да віншаванняў далучыліся старшыня раённага Савета дэпутатаў Валянціна Рандаравіч і кіраўнік спраў райвыканкама Наталля Ждановіч.

Вялікая сям'я — гэта модна, прыгожа і вельмі ганарова.