07.08.2026

Ратавальнікі ліквідуюць наступствы непагадзі ў Докшыцкім раёне

У Докшыцкім раёне ратавальнікі выязджалі на распілоўку і ўборку паваленых дрэў у Бягомльскі, Крыпульскі, Бярэзінскі і Докшыцкі сельсаветы.

Паводле прагнозу Белгідрамета, у бліжэйшыя дні на большай тэрыторыі краіны чакаюцца навальніцы, моцны вецер, ліўні і град.

Плануйце свой адпачынак і паездкі з улікам прагнозу надвор'я.

Не рызыкуйце і па магчымасці адмоўцеся ад адпачынку на прыродзе. Самае бяспечнае месца ў непагадзь – дома.

Зачыніце вокны і форткі, прыбярыце прадметы, якія можа сарваць ветрам.

Падчас навальніцы адключыце электрапрыборы ад сеткі.

Калі вы апынуліся на вуліцы, пазбягайце дрэў, рэкламных канструкцый, ліній электраперадач, прыпыначных павільёнаў і іншых аб'ектаў, якія могуць быць пашкоджаны ветрам.

Не падыходзьце да вадаёмаў і не знаходзьцеся ў вадзе падчас навальніцы.

Калі вы за рулём аўтамабіля падчас моцнага ліўню або граду, спыніцеся ў бяспечным месцы, не працягвайце рух пры абмежаванай бачнасці.

Тэлефоны МНС 101 і 112.