05.08.2020

Новы электрамантажны цэх будуецца на заводзе «Ветразь»

На заводзе «Ветразь» поўным ходам ідзе будаўніцтва новага электрацэха, што дапаможа пашырыць вытворчасць.

- Работы пачаліся ў маі гэтага года, - распавядае галоўны інжынер прадпрыемства Мікалай Сялюк. - Сёння ўжо ўзведзены металічны каркас будучага цэха, а таксама сцены адміністрацыйнага будынка. Калі цяперашняе памяшканне, у якім працуюць электрыкі, займае плошчу каля 200 квадратных метраў, то новае будзе ў два разы больш. Тэндэр на будаўніцтва выйграла УТСЧП «Будсфера». У далейшым завод плануе адкрыць цэх па вытворчасці розных вырабаў з пластмасы, для чаго будзе закупляцца спецыяльнае абсталяванне - тэрмапластаўтаматы.

Яўгенiя Малевіч.

Фота аўтара.