01.10.2021

Кіраўніцтва раёна адрасавала віншаванне з Днём пажылых людзей

Паважаныя ветэраны вайны і працы,
прадстаўнікі старэйшага пакалення!

Прыміце самыя цёплыя і шчырыя віншаванні з Днём пажылых людзей!

Гэта цудоўнае свята чалавечай мудрасці, грамадзянскай сталасці, душэўнай шчодрасці - якасцяў, якімі надзелены вы, старэйшае пакаленне. Вы - наша апора, скарбніца вопыту, ведаў, мудрасці. За Вашымі плячыма доўгае жыццё. Вы ўяўляеце сабой сувязь часоў і пакаленняў. Вашы веды і багаты вопыт асабліва важныя ў сучасных умовах, калі разам з ініцыятывай маладых патрабуецца жыццёвая мудрасць старэйшых. Ваша неабыякавая жыццёвая пазіцыя, сумленнае стаўленне да працы і сапраўдная любоў да роднай зямлі - гэта ўзор для ўсіх пакаленняў. Менавіта ў вас мы вучымся патрыятызму, уменню захоўваць аптымізм, да вас прыходзім па параду ў цяжкую хвіліну.

Прыміце шчырыя словы падзякі за гады плённай нястомнай працы на карысць Докшыцкага раёна, за важкі ўклад у яго развіццё, уменне годна жыць і працаваць, быць для ўсіх нас ва ўсім прыкладам. Нізкі паклон вам за мудрасць, актыўную грамадзянскую і жыццёвую пазіцыю.

Ад усёй душы жадаем вам моцнага здароўя, даўгалецця, дабрабыту і бадзёрасці духу. Няхай у вашых дамах пануюць мір, спакой і шчасце.

Раённы выканаўчы камітэт
Раённы Савет дэпутатаў