20.08.2021

Кіраўніцтва Докшыцкага раёна адрасавала віншаванне з Днём работнікаў дзяржаўнай статыстыкі

Паважаныя работнікі і ветэраны дзяржаўнай статыстыкі!

Віншуем вас з прафесійным святам!

Афіцыйная статыстыка з'яўляецца важным інструментам дзяржаўнага кіравання. Менавіта на ёй грунтуюцца прагнозы сацыяльна-эканамічнага развіцця рэгіёну і краіны, па яе дадзеных здзяйсняецца ацэнка іх выканання.

На працягу многіх гадоў работнікі дзяржаўнай статыстыкі паспяхова вырашаюць задачы па зборы і апрацоўцы даных аб сацыяльна-эканамічнай, дэмаграфічнай, экалагічнай сітуацыі ў рэгіёне, аналізуючы ўсе ўзнікаючыя змены.

За кожным статыстычных паказчыкам, за кожнай лічбай і аналітычнай высновай - карпатлівая праца і каласальная асабістая адказнасць.

Ад усёй душы жадаем вам моцнага здароўя, шчасця, дабрабыту, новых прафесійных поспехаў і дасягнення пастаўленых мэт.

Раённы выканаўчы камітэт

Раённы Савет дэпутатаў