25.04.2026

Докшыцкі раён з працоўным візітам наведаў міністр сувязі і інфарматызацыі Рэспублікі Беларусь Кірыл Залескі

Докшыцкі раён з рабочым візітам наведаў міністр сувязі і інфарматызацыі Рэспублікі Беларусь Кірыл Залескі.

Міністр абмеркаваў пытанні дзейнасці ў галіне сувязі і лічбавага развіцця з намеснікам старшыні райвыканкама Марынай Клімовіч, начальнікам Докшыцкага ўчастка электрасувязі РУП "Белтэлекам" Віктарам Шаўцовым і начальнікам Пастаўскага РВПС Таццянай Гайлюн.

Кірыл Залескі распавёў пра рэгуляванне мабільнага інтэрнэту, далучэнне "Белсаюздруку" да "Белпошты", пра найбольш актуальныя звароты грамадзян. Наведаў участак "Белтэлекама" і аддзяленне "Белпошты" ў Докшыцах і падкрэсліў іх важную сацыяльную ролю.

А таксама... выпісаў сваім бацькам раённую газету "Родныя вытокі" і адправіў ім у Мінск квітанцыю па пошце.