05.01.2026

Акцыя "Ад усёй душы" прайшла ў аддзяленні кругласутачнага знаходжання для грамадзян пажылога ўзросту і інвалідаў у аграгарадку Сітцы

Павіншаваць пастаяльцаў з навагоднімі святамі прыехалі дэпутат Палаты прадстаўнікоў Нацыянальнага сходу Рэспублікі Беларусь Анатоль Сіўко і старшыня раённага Савета дэпутатаў Валянціна Рандарэвіч.

- Вельмі важна ў гэтыя святочныя дні дзяліцца дабрынёй і цяплом душы з тымі, хто асабліва ў гэтым мае патрэбу, - адзначыў Анатоль Сіўко.

Наведванне аддзялення супала з прафесійным святам работнікаў сацыяльнай абароны. Анатоль Віктаравіч падзякаваў персаналу аддзялення, тым людзям, якія арганізуюць і догляд, і лячэнне па неабходнасці, ствараюць усе ўмовы, каб людзі, якія знаходзяцца тут, адчувалі сябе камфортна.

У якасці падарунка дэпутат перадаў аддзяленню кухонны камбайн.

Да віншаванняў далучылася старшыня раённага Савета дэпутатаў Валянціна Рандарэвіч і перадала пастаяльцам прысмакі.

Спонсарамі падарункаў выступілі РА РГА "Белая Русь", РА ГА "Беларускі саюз жанчын", РА Віцебскай вобласці Беларускай партыі "Белая Русь" і Докшыцкі хлебазавод.

dokshitsy.by