Дзень Незалежнасці Рэспублікі Беларусь

Дзень Незалежнасці Рэспублікі Беларусь — галоўнае дзяржаўнае свята, адзначаецца якое 3 ліпеня — у дзень вызвалення ў 1944 годзе горада Мінска ад нямецка-фашысцкіх захопнікаў.

Напярэдані ва ўсіх сельскіх саветах раёна прайшлі тэматычныя мітынгі з ускладаннем кветак да памятнікаў і абеліскаў, святочныя канцэрты.

3 ліпеня святочныя мерапрыемствы пачаліся з мітынга памяці на мемарыяльным комплексе “”Шунеўка”.

Па галоўнай вуліцы раённага цэнтра працоўныя калектывы горада і раёна прайшлі святочным шэсцем да канцэртнай пляцоўкі на бераг возера, дзе ўсіх чакаў тэматычны святочны канцэрт “Квітней, Докшыцкі край!”.

У парку “Заазёрны” працавалі тэматычныя пляцоўкі-прэзентацыі арганізацый Докшыччыны. Увечары на сцэне амфітэатра падвялі вынікі агляда-конкурсу “Таленты Докшыччыны”. Уладальнікам Гран-пры стаў калектыў Крулеўшчынская сярэдняй школы. Жыхары і госці Докшыцкага краю далучыліся да рэспубліканскай акцыі “Выканаем Гімн Рэспублікі Беларусь разам”, па завяршэнні якой начное неба над Докшыцамі расквеціў святочны салют.