Настройкі
Настройкі шрыфту
Arial
Times New Roman
Памер шрыфту
A
A
A
Міжлітарная адлегласць
Стандартнае
Павялічанае
Вялікае
Колеравая схема
Чорным
па белым
Белым
па чорным
Докшыцкі раённы выканаўчы камітэт
Галоўная / Навіны / Навіны рэспублікі
Галоўная / Навіны / Навіны рэспублікі
17 жніўня 2022

У Беларусі змяняецца работа сістэмы электроннай чаргі на граніцы. Платнага браніравання больш не будзе


16 жніўня, Мінск. Прэзідэнт Беларусі Аляксандр Лукашэнка падпісаў указ нумар 280, якім уносяцца змяненні ва ўказ ад 2 ліпеня 2015 года нумар 305 "Аб сістэме электроннай чаргі транспартных сродкаў у пунктах пропуску". Аб гэтым паведамілі ў прэс-службе кіраўніка дзяржавы.

Для павышэння эфектыўнасці работы сістэмы электроннай чаргі ўказам адмяняецца бязвыплатнае размяшчэнне транспартных сродкаў у зоне чакання. Раней існаваўшая паслуга платнага браніравання часу ўезду транспартных сродкаў у пункт пропуску з зоны чакання таксама адмяняецца.

Замест гэтага прадугледжана, што ўсе транспартныя сродкі пры іх уездзе ў зону чакання павінны аплаціць рэгістрацыю ў сістэме электроннай чаргі. Пры гэтым уезд у зону чакання будзе ўпарадкаваны і будзе ажыццяўляцца ў парадку жывой чаргі.

Частка грашовых сродкаў, атрыманых ад функцыянавання сістэмы электроннай чаргі, будзе пералічвацца Дзяржаўнаму пагранічнаму камітэту для ўдасканалення матэрыяльна-тэхнічнага забеспячэння органаў пагранічнай службы. Парадак і памер такіх пералічэнняў вызначыць Савет Міністраў.

За ўрадам таксама замацаваны паўнамоцтвы па вызначэнні парадку функцыянавання сістэмы электроннай чаргі, патрабаванняў да абсталявання зоны чакання і рэгістрацыі ў ёй транспартных сродкаў, што дасць магчымасць уніфікаваць і ўпарадкаваць работу аператараў зон чакання.