Мокры снег, туман і галалёдзіца. Сіноптыкі расказалі аб надвор'і на 23-28 снежня

Мокры снег, туман і галалёдзіца прагназуюцца ў Беларусі 23-28 снежня, паведамілі БЕЛТА ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.

"Самы кароткі дзень у Беларусі назіраецца ў канцы снежня. Гэта так званы дзень зімовага сонцастаяння. Ноч з 21 на 22 снежня ў нашай краіне самая доўгая, а дзень 22 снежня - самы кароткі. У дзень зімовага сонцастаяння ў паўночным паўшар'і настае астранамічная зіма. Пасля зімовага сонцастаяння праз некалькі дзён светлавы дзень паступова павялічваецца і да 1 студзеня ўжо становіцца прыкладна на 6 хвілін даўжэйшым. Аднак надвор'е не падладжваецца пад каляндар. Так, на гэтым тыдні цёплыя паветраныя масы атлантычнага паходжання прынеслі ў Беларусь адлігавае з ападкамі (у асноўным у выглядзе дажджу) надвор'е, якое захаваецца ў пятніцу і суботу", - расказалі ў Белгідрамеце.

У пятніцу, 23 снежня, часам будуць ападкі, у асноўным дождж, месцамі з мокрым снегам. Уначы на большай частцы тэрыторыі, удзень у асобных раёнах туман. Месцамі на дарогах галалёдзіца. Тэмпература паветра на працягу сутак будзе вагацца ад 0 да плюс 4 градусаў.

У суботу, 24 снежня, уначы і раніцай на большай частцы тэрыторыі, удзень месцамі па краіне прагназуюцца ападкі (мокры снег, дождж). Месцамі слабыя туман і галалёд, на дарогах галалёдзіца. Тэмпература паветра ўначы складзе мінус 2 - плюс 3 градусы, удзень - ад 0 да плюс 4.

Паводле інфармацыі сіноптыкаў, на каталіцкае Раство, 25 снежня, паветраныя патокі ненадоўга зменяць свой напрамак на паўночна-заходні і тэмпературны фон у Беларусі панізіцца. Пасля адлігі пры паніжэнні тэмпературы паветра да адмоўных значэнняў на дарогах чакаецца галалёдзіца. Слабы мароз будзе пераважаць у нашай краіне і ў панядзелак, 26 снежня, а ўжо ў аўторак цёплае надвор'е зноў вернецца ў краіну.

У нядзелю, 25 снежня, уначы па поўдні, а ўдзень і ў заходніх раёнах месцамі чакаецца кароткачасовы снег, мокры снег. У асобных раёнах слабыя туман і галалёд, на дарогах галалёдзіца. Тэмпература паветра ўначы панізіцца да мінус 2-9 градусаў, а па поўначы пры праясненнях - да мінус 11, па поўдні чакаецца каля 0. Удзень будзе мінус 5 - плюс 2 градусы.

У панядзелак, 26 снежня, уначы месцамі пройдзе невялікі снег, раніцай і ўдзень на большай частцы тэрыторыі краіны прагназуюцца ападкі (снег, мокры снег, удзень з дажджом). У асобных раёнах туман, галалёд, на дарогах галалёдзіца. Тэмпература паветра ўначы будзе вагацца ад мінус 12 градусаў па ўсходзе да плюс 1 градуса па захадзе краіны. Удзень чакаецца мінус 3 - плюс 4 градусы.

У аўторак, 27 снежня, уначы на большай частцы тэрыторыі, удзень месцамі па краіне пройдуць мокры снег, дождж. У асобных раёнах туман, галалёд, на дарогах галалёдзіца. Тэмпература паветра ўначы складзе мінус 5 - плюс 2 градусы, а ўдзень - мінус 2 - плюс 4.

У сераду, 28 снежня, часам мокры снег, дождж. Месцамі слабы туман, галалёд, на дарогах галалёдзіца. Уначы тэмпература паветра будзе ў межах мінус 4 - плюс 2 градусы, а ўдзень - мінус 2 - плюс 4.