Кіраўніцтва Докшыцкага раёна адрасавала віншаванне з Новым годам
Паважаныя жыхары Докшыцкага раёна!
Прыміце шчырыя віншаванні з надыходзячым Новым 2022 годам!
Новы год - самае добрае і ўсімі любiмае свята, напоўненае адмысловым настроем, які прыносіць радасць, святло і цяпло ў кожны дом і ў кожную сям'ю. Гэты час, калі мы звяртаемся адзін да аднаго з цёплымі словамі віншаванняў, успамінаем самыя яркія падзеі адыходзячага года, падводзім вынікі праведзенай працы, намячаем планы на будучыню.
Адыходзячы год падарыў нам нямала дасягненняў і выдатных хвілін, узбагаціў новым вопытам і ўражаннямі. Мы завяршаем яго з годнымі вынікамі, якіх дабіваліся ўсе разам. І сёння мы хочам сказаць вялікі дзякуй усім, хто сваёй штодзённай працай уносіў асабісты ўклад у поспех агульнай справы. За працу, за ўдзел у жыццядзейнасці раёна, за падтрымку, давер і імкненне працаваць на вынік.
Перакананы, што 2022 год падхопіць эстафету стварэння, прымнажэння добрых традыцый, парадуе новымі здзяйсненнямі на карысць Докшыцкай зямлі і нашай Беларусі.
Дарагія землякі!
Няхай надыходзячы год прынясе ў кожную сям'ю любоў і паразуменне, выканае ўсе запаветныя мары і добрыя намеры. Дабра і згоды вам і вашым сем'ям, цяпла, утульнасці і дастатку ў кожны дом, аптымізму і ўпэўненасці ў заўтрашнім дні! Ад усёй душы жадаем усім моцнага здароўя, дабрабыту, міру і вялікага шчасця! З Новым годам!
Раённы выканаўчы камітэт
Раённы Савет дэпутатаў