Кіраўніцтва Докшыцкага раёна адрасавала віншаванне з Днём энергетыка
Паважаныя работнікі і ветэраны службы энергетыкі!
Сардэчна віншуем вас з прафесійным святам - Днём энергетыка!
Энергетыка - адна з базавых галін эканомікі, ад устойлівага і эфектыўнага функцыянавання якой залежаць дабрабыт і камфорт у дамах і на вытворчасці. Вы забяспечваеце жыхароў раёна, а таксама ўсе прадпрыемствы і арганізацыі жыццёва неабходнымі дабротамі - электраэнергіяй і цяплом, нясеце вялікую адказнасць за энергетычную бяспеку аб'ектаў. Ваша праца патрабуе найвышэйшага прафесіяналізму, дысцыпліны, гатоўнасці ў любой экстрэмальнай сітуацыі дзейнічаць зладжана і аператыўна.
У гэты святочны дзень асобныя словы падзякі адрасуем ветэранам, якія заклалі аснову для дынамічнага развіцця і ўдасканалення энергетычнай сістэмы.
Ад усёй душы жадаем вам моцнага здароўя, сямейнага дабрабыту, невычэрпнай энергіі, безаварыйнай працы!
Раённы выканаўчы камітэт
Раённы Савет дэпутатаў