У чэрвені 1944 года фашысты расстралялі вязняў канцлагера “Лібараўшчына”

У ходзе карнай аперацыі былі знішчаны 200 італьянцаў, якія абслугоўвалі аэрадром каля в.Сітцы і 600 мірных жыхароў з Лепельскага, Бешанковічскага, Ушачскага, Бягомльскага раёнаў, а таксама ваеннапалонныя Сітцаўскага лагера.

30 гадоў таму 31 кастрычніка 1992 года на месцы спаленай вёскі Ходараўка быў пабудаваны аднайменны мемарыяльны комплекс.

31 кастрычніка на мемарыяльным комплексе “Ходараўка” адбыўся мітынг памяці “Слова, складзенае з болю” падчас якога была ўстаноўлена таблічка з Q-кодам, які дае магчымасць хуткага доступа да інфармацыі пра падзеі, якія тут адбываліся. Таксама ў гэты дзень адпаведныя таблічкі ўстанавілі на месцах спаленых вёсак Азарцы і Залатухі. Напярэдадні гадавіны ва ўстановах культуры раёна прайшлі тэматычныя мерапрыемствы: гістарычны экскурс “Будзем памятаць” у Крыпульскім СДК, Гняздзілаўскім СДК, Валкалацкім СДК; урок памяці “Будзем памятаць” у Бярозаўскім сельскім клубе-бібліятэцы, інфармацыйны час “Нічога не забыта” ў Таргуноўскім сельскім клубе-бібліятэцы і інш.