Подых мінулага фарбамі мастака

Паважаныя жыхары і госці горада! Працягваем вас знаёміць з творчасцю беларускіх прафесійныхмастакоў  і мастакоў-аматараў.

Нагадаем, што ў 2021 годзе, па ініцыятыве мецэната, старшыні грамадскага аб'яднання культуры і мастацтва “Вечеря” Даўгарукава Сяргея Валер'евіча, сумесна з аддзелам ідэалагічнай работы, культуры і па справах моладзі  пачалася  рэалізацыя  мастацка-пазнавальнага праекта “Как прекрасен этот мир”. На працягу года ў фае гарадскога Цэнтра культуры ўвазе наведвальнікаў былі прадстаўлены шэсць выстаў творчых работ мастакоў: Вячаслава Аўгусціновіча, Аляксандра Салтаўца,Уладзіміра Стэльмашонка, Алега Стасевіча, Алеся Родзіна і Георгія Міхейчыка.

Гэты год не стане выключэннем. З 7 лютага па 6 сакавіка бягучага года будзе працаваць выстава “Подых мінулага фарбамі мастака”  члена Беларускага Саюза мастакоў Віктара Мікіты, прысвечаная Году гістарычнай памяці. Калі ласка, шчыра запрашаем!