21 лютага  - Міжнародны дзень роднай мовы

21 лютага ўвесь свет адзначае Міжнародны дзень роднай мовы. Мова душа народа, векавая памяць многіх пакаленняў, галоўны нацыянальны скарб. Няма роднай мовы – няма народа. Наша родная мова – беларуская. Даследчыкі ўстанавілі, што беларуская мова займае другое месца ў свеце па мілагучнасці.

Ва ўсіх бібліятэках раёна аб’яўлены Тыдзень роднай мовы “Далучыся да роднага слова”, у рамках якога з 16 па 23 лютага запланаваны шэраг мерапрыемстваў. 20 лютага прайшла акцыя “Размаўляй са мной па-беларуску”.

 Сітцаўская сельская бібліятэка сумесна з Сітцаўскім СДК падрыхтавалі пазнавальную праграму “Сябры роднай мовы”, Глінская сельская бібліятэка – гульню Поле цудаў “Скарбы беларускай мовы”, Крыпульская сельская бібліятэка - турнір знаўцаў роднай мовай “З роднай моваю на “ты”. У Бягомльскай гарпасялковай бібліятэцы аформлена тэматычная выстава “Матчынай мовы роднае слова” і іншыя.