Адрас: 211722, г.Докшыцы,
вул.Ленінская, д.31
Прыёмная:
8 (02157) 3-25-10 з 8.00 да 17.00
Факс:
8 (02157) 3-25-11
Электронная пошта райвыканкама:
rikdok@vitebsk.by
Развіццё збожжавых пад уплывам цёплага надвор'я паскорыцца, паведамілі БЕЛТА ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
"Павышэнне тэмпературнага рэжыму і на асноўных масівах добрая вільгацезабяспечанасць садзейнічаюць нарастанню вегетатыўнай масы і фарміраванню коласа збожжавых культур. У развіцці пасеваў вялікага адставання ад мінулагодніх тэрмінаў не назіраецца. У бліжэйшы час развіццё збожжавых культур пад уплывам цёплага надвор'я паскорыцца", - сказалі ў Белгідрамеце.
Паводле слоў аграметэаролагаў, у цэлым па краіне візуальныя ацэнкі стану збожжавых культур на палях пераважаюць добрыя, месцамі ў Віцебскай вобласці - здавальняючыя.