Докшыцкі раённы выканаўчы камітэт

Адрас: 211722, г.Докшыцы,
вул.Ленінская, д.31
Прыёмная:
8 (02157) 2-10-45 з 8.00 да 21.00
Факс:
8 (02157) 2-10-61
Электронная пошта райвыканкама:
rikdok@vitebsk.by

Фантан на цэнтральнай плошчы  Раённы выканаўчы камітэт Касцёл у г. Докшыцы Аўтавакзал г. Докшыцы 1
Фантан на цэнтральнай плошчы
Фантан на цэнтральнай плошчы
Раённы выканаўчы камітэт
Касцёл у г. Докшыцы
Аўтавакзал г. Докшыцы
1
Галоўная / Навіны / Навіны рэспублікі
24 лістапада 2021

Беларусь разлічвае нарасціць экспарт прадуктаў харчавання ў Кітай да $1 млрд

Беларусь разлічвае нарасціць экспарт прадуктаў харчавання ў Кітай да $1 млрд па выніках пяцігодкі. Аб гэтым расказаў міністр сельскай гаспадаркі і харчавання Іван Крупко ў праграме "Размова ў Прэзідэнта" на тэлеканале "Беларусь 1", паведамляе БЕЛТА.

"Вельмі вялікая ўвага ўдзяляецца сертыфікацыі прадпрыемстваў і нарошчванню аб'ёмаў паставак у КНР. Па выніках пяцігодкі мы павінны выйсці на аб'ёмы да $1 млрд рэалізацыі прадукцыі на кітайскі рынак. Мы сёння ў асноўным пастаўляем у Кітай ялавічыну, мяса птушкі, малако і малакапрадукты", - сказаў Іван Крупко.

У цэлым плануецца нарасціць экспарт беларускіх прадуктаў харчавання да $7 млрд у бліжэйшыя гады. "Каб павялічыць пастаўкі ў такіх аб'ёмах, трэба сканцэнтравацца на вытворчасці прадукцыі. Робім стаўку на вытворчасць малака, мяса, глядзім, па якой яшчэ прадукцыі можам прырасці", - адзначыў міністр.

Па выніках 9 месяцаў бягучага года экспарт беларускіх прадуктаў харчавання вырас на 12,6 працэнта і перавысіў $4,7 млрд. Паступленне валютнай выручкі за 9 месяцаў павялічылася на $529 млн. Беларускія прадукты харчавання пастаўляюцца больш як у 100 краін. Асноўная доля экспарту прыпадае на краіны СНД (з улікам Расіі). Пры гэтым пастаўкі ў краіны далёкага замежжа растуць хуткімі тэмпамі. "Па выніках года мы чакаем $6,1 млрд экспарту", - дадаў Іван Крупко.

БелТА