Беларусь прапанавала правесці Еўразійскі форум у Мінску вочна

Беларусь прапанавала правесці Еўразійскі эканамічны форум у Мінску ў снежні ў вочным фармаце. Аб гэтым напісала на сваёй старонцы ў Facebook памочнік старшыні Калегіі Еўразійскай эканамічнай камісіі Ія Малкіна, паведамляе БЕЛТА.

"З вялікай доляй верагоднасці пасяджэнне Еўразійскага міжурадавага савета пройдзе вочна ў Ерэване 9 кастрычніка, - паведаміла Ія Малкіна. - Віцэ-прэм'еры толькі што абмеркавалі гэта пытанне на пасяджэнні Савета ЕЭК. Акрамя таго, беларускі бок прапанаваў правесці вочна і Еўразійскі эканамічны форум у другой палавіне снежня ў Мінску. Арменія і Кыргызстан падтрымалі, дзве астатнія краіны ўзялі паўзу для прапрацоўкі пытання".