Адрас: 211722, г.Докшыцы,
вул.Ленінская, д.31
Прыёмная:
8 (02157) 3-25-10 з 8.00 да 17.00
Факс:
8 (02157) 3-25-11
Электронная пошта райвыканкама:
rikdok@vitebsk.by
Беларусь плануе нарасціць экспарт тавараў і паслуг у Ізраіль. Аб гэтым ішла размова на міжсесіённым пасяджэнні беларускай часткі сумеснага беларуска-ізраільскага камітэта па гандлёва-эканамічным супрацоўніцтве, якое адбылося пад кіраўніцтвам міністра сувязі і інфарматызацыі Беларусі Канстанціна Шульгана, паведамляе БЕЛТА са спасылкай на сайт Мінсувязі.
"Асноўнай мэтай пасяджэння было абмеркаваць актуальныя пытанні нарошчвання экспарту беларускіх тавараў і паслуг у Ізраіль, у тым ліку ў рамках падрыхтоўкі да чарговага пасяджэння сумеснага беларуска-ізраільскага камітэта па гандлёвым і эканамічным супрацоўніцтве, запланаваным на 2022 год", - гаворыцца ў паведамленні.
Удзельнікі мерапрыемства прааналізавалі і абмеркавалі вынікі знешняга гандлю таварамі і паслугамі з Ізраілем, нарошчванне экспарту. "Па выніках работы за студзень - верасень 2021 года заданне па экспарце тавараў у Ізраіль, даведзенае ўрадам, было выканана. Разам з тым удзельнікі пасяджэння адзначылі, што ёсць рэзервы для росту экспарту беларускіх тавараў і паслуг", - паведамілі ў Мінсувязі.
У пасяджэнні па відэа-канферэнц-сувязі прынялі ўдзел пасол Беларусі ў Ізраілі Яўген Вараб'ёў, прадстаўнікі Мінпрама, Мінсельгасхарча, Міністэрства замежных спраў, Мінпрыроды, Мінлясгаса, Мінспорту, Міністэрства аховы здароўя, Дзяржаўнага камітэта па навуцы і тэхналогіях, канцэрна "Беллегпрам", адміністрацыі Кітайска-беларускага індустрыяльнага парка "Вялікі камень", Беларускай гандлёва-прамысловай палаты.
"Па выніках мерапрыемства быў падрыхтаваны пратакол, які прадугледжвае канкрэтныя меры для пашырэння таварнай наменклатуры і нарошчвання экспарту ў Ізраіль беларускай прамысловай прадукцыі, сельгаспрадукцыі і прадуктаў харчавання, павелічэння экспарту турыстычных і адукацыйных паслуг, прыцягнення новых рэзідэнтаў з ізраільскім капіталам у індустрыяльны парк "Вялікі камень" і пашырэння навукова-тэхнічнага супрацоўніцтва, іншыя напрамкі развіцця ўзаемавыгаднага супрацоўніцтва Беларусі з Ізраілем", - паведамілі ў Мінсувязі.
