Адрас: 211722, г.Докшыцы,
вул.Ленінская, д.31
Прыёмная:
8 (02157) 3-25-10 з 8.00 да 17.00
Факс:
8 (02157) 3-25-11
Электронная пошта райвыканкама:
rikdok@vitebsk.by
Старшыня Палаты прадстаўнікоў Нацыянальнага сходу Рэспублікі Беларусь Уладзімір Андрэйчанка ў рамках рэспубліканскай дабрачыннай акцыі «Нашы дзеці» наведаў Бягомльскую дапаможную школу-інтэрнат Докшыцкага раёна.
Ужо больш за дзесяць гадоў Уладзімір Паўлавіч напярэдадні Новага года прыязджае ў госці да хлопцаў. І абавязкова з каштоўнымі падарункамі і прысмакамі. На гэты раз, напрыклад, падарыў ноўтбук.
Да віншаванняў і пажаданняў далучыліся старшыня райвыканкама Алег Кавалёнак і старшыня райсавета Валянціна Рандарэвіч, якія таксама прывезлі каштоўныя падарункі. Не засталіся ўбаку і шэфы навучальнай установы - ААТ «ААБ Беларусбанк», Лукомская ДРЭС, а таксама ТАА «Клуб вялікага спорту» і ТАА «Спорт без межаў». Яны падарылі рабятам тэлевізар, манаблок, пральныя машыны, электрычную пліту, дываны.
Разам з выкладчыкамі хлопцы падрыхтавалі для дарагіх сяброў вясёлы паказ «Навагодняя тусоўка». А пасля яго заканчэння ўсе разам сфатаграфаваліся, каб захаваць цёплыя ўспаміны на увесь год, да наступнай сустрэчы.
У Бягомльскай школе-інтэрнат пражываюць 82
выхаванца, 29 з якіх - дзеці-інваліды. Хлопцы ўдзельнічаюць у раённых,
абласных і рэспубліканскіх спаборніцтвах і конкурсах, дзе займаюць прызавыя
месцы. Асноўная задача школы-інтэрнат - падрыхтоўка выхаванцаў да
самастойнага жыцця.
Фотарэпартаж: https://www.dokshitsy.by/2021/12/v- begomlskoj-shkole-internat/