Кіраўніцтва Докшыцкага раёна адрасуе віншаванне з Днём работнікаў лесу

Паважаныя работнікі і ветэраны лясной гаспадаркі!

Сардэчна віншуем вас з прафесійным святам - Днём работнікаў лесу!

Лясная галіна - гэта вопыт многіх пакаленняў і традыцыі, закладзеныя нашымі продкамі, наша самае вялікае прыроднае багацце, бясцэнны эканамічны і экалагічны, духоўны і эмацыйны рэсурс. Беражлівае стаўленне да лесу - гэта, перш за ўсё, беражлівыя адносіны да роднага краю, да людзей, якія жывуць тут. Захаванне і прымнажэнне лесу - абавязак кожнага члена грамадства. Але ёсць людзі, якія прысвяцілі гэтай справе ўсё сваё жыццё.

У лясной гаспадарцы раёна працуюць высокакваліфікаваныя прафесіяналы, сапраўдныя энтузіясты, добрасумленна і адказна выконваючыя нялёгкую місію. У гэты святочны дзень асаблівыя словы ўдзячнасці ветэранам, для якіх ахова і абарона лесу - не проста праца, а пакліканне і справа ўсяго жыцця!

Жадаем усім работнікам галіны поспехаў у працы, выканання ўсіх пастаўленых задач, моцнага здароўя, шчасця, дабра і дабрабыту!

Раённы выканаўчы камітэт
Раённы Савет дэпутатаў