Адрас: 211722, г.Докшыцы,
вул.Ленінская, д.31
Прыёмная:
8 (02157) 3-25-10 з 8.00 да 17.00
Факс:
8 (02157) 3-25-11
Электронная пошта райвыканкама:
rikdok@vitebsk.by
Дарагія ветэраны Вялікай Айчыннай вайны!
Паважаныя жыхары Докшыцкага раёна!
Прыміце самыя цёплыя і шчырыя віншаванні з вялікім святам - з Днём Перамогі!
Свята Вялікай Перамогі - гэта дзень нацыянальнага гонару, адзінства і ўрачыстасці народнага духу. У ім - боль і веліч беларускага народа, мужнасць і гераізм нашых салдат, слёзы страт і радасць перамог.
У гэты дзень мы аддаём даніну глыбокай павагі кожнаму, хто ваяваў на перадавой і ў тыле. Успамінаем усіх, каму не наканавана было вярнуцца з палёў бітваў. Пройдуць гады і дзесяцігоддзі, зменяцца стагоддзi, прыйдуць новыя пакаленні, але гістарычная праўда пра Вялікую Айчынную вайну і пераможцаў будзе жыць у памяці ўдзячных нашчадкаў.
Нізкі паклон і глыбокая падзяка вам, дарагія ветэраны, за ваш вялікі воінскі, працоўны, маральны подзьвіг, які ўскладае на нас, нашчадкаў Перамогі, велізарную адказнасць за захаванне адзінства і згоды ў нашым грамадстве, умацаванне незалежнасці дзяржавы, росквіт краіны і роднага краю.
Жадаем усім жыхарам Докшыччыны, нашым дарагім ветэранам і іх блізкім моцнага здароўя, дабрабыту, міру, дабра і шчасця.
Са святам Перамогі вас, паважаныя землякі!
Раённы выканаўчы камітэт
Раённы Савет дэпутатаў