Адрас: 211722, г.Докшыцы,
вул.Ленінская, д.31
Прыёмная:
8 (02157) 3-25-10 з 8.00 да 17.00
Факс:
8 (02157) 3-25-11
Электронная пошта райвыканкама:
rikdok@vitebsk.by
Докшыцкі раён прыняў эстафету рэспубліканскага аўтапрабега «Сімвал адзінства», які стартаваў у Брэсце і ахопіць усе рэгіёны краіны. Яго галоўная мэта - аб'яднаць беларусаў у рамках Года і Дня народнага адзінства.
Па традыцыі, удзельнікаў аўтапрабегу, якія прыехалі да нас з Пастаўшчыны, на мяжы раёнаў докшычане сустракалі караваем.
У райцэнтры, на плошчы імя Героя Савецкага Саюза І.С. Палявога, актывістаў ГА «Патрыёты Беларусі» на чале з старшынёй Сяргеем Рачкоўскім чакалі намеснік старшыні райвыканкама Аксана Палачаніна, прадстаўнікі арганізацый і прадпрыемстваў, грамадскасць, моладзь. Мітынг пачалі барабаншчыцы, якія надалі яму ўрачыстасць.
- Мы шчыра рады вітаць удзельнікаў аўтапрабегу на нашай гасціннай Докшыччыне, - звярнулася да прысутных Аксана Эдуардаўна. - Сімвалічна, што сустрэча праходзіць ля падножжа брацкай магілы, дзе пахаваны 130 чырвонаармейцаў, падпольшчыкаў і партызан, дзякуючы якім сёння мы маем мірнае неба над галавой, можам спакойна працаваць, выхоўваць дзяцей. Тут сабраліся людзі розных узростаў, прафесій, інтарэсаў, веравызнанняў. Але нас аб'ядноўвае адно - любоў да нашай Радзімы.
Докшыцкі раён - 35-ы з ліку 118-ці, якія ўвайшлі ў маршрут аўтапрабегу. Кожны перадае ўдзельнікам аўтапрабегу імянныя мяшэчкі са збожжам новага ўраджаю як сімвал адзінства. У нас гэта ганаровая місія была даручана дэпутату раённага Савета дэпутатаў, дэлегату VI Усебеларускага народнага сходу, вядомаму трактарыста-машыністу ААТ «Докшыцкі райаграсэрвіс» Уладзіміру Лаўцэвічу.
Госці таксама прывезлі падарунак - сімвалічны знак з надпісам «Нас усіх аб'яднае родная зямля». Удзельнікі мітынгу ўсклалі кветкі да брацкай магілы, пасля чаго калона для перадачы эстафеты «Сімвал адзінства» рушыла ў Глыбоцкі раён.
Крыніца: https://www.dokshitsy.by/2021/09/avtoprobega-simvol-edinstva/