Кіраўніцтва Докшыцкага раёна віншуе жыхароў раёна з Днём Незалежнасці Рэспублікі Беларусь

Паважаныя жыхары Докшыцкага раёна!

Прыміце сардэчныя віншаванні з Днём Незалежнасці Рэспублікі Беларусь і 76-й гадавінай вызвалення Беларусі ад нямецка-фашысцкіх захопнікаў.

3 ліпеня займае асаблівае месца ў гісторыі дзяржавы, з'яўляецца яркім увасабленнем гераічнага мінулага беларускага народа ў барацьбе за вызваленне Радзімы, сімвалам гераізму, воінскай доблесці і патрыятызму, веры і аптымізму для будучых пакаленняў.

Мы аддаём даніну глыбокай павагі ветэранам за самаадданую любоў, адданасць Айчыне, мужнасць, стойкасць, праяўленыя ў барацьбе за мір і шчасце на зямлі.

Выказваем удзячнасць за добрасумленную і плённую працу землякам, якія працавалі ў пасляваенны час. Закладзеныя дзесяцігоддзямі традыцыі беражліва захоўваюцца і прымнажаюцца тымі, хто прыходзіць на змену, ствараючы трывалы падмурак далейшага працвітання роднай зямлі.

Жадаем усім вам здароўя, поспехаў, стабільнасці, упэўненасці ў сваіх сілах і заўтрашнім дні. Хай над вамі заўсёды будзе чыстае неба, спакой у сэрцах і дабрабыт у сем'ях.

Раённы выканаўчы камітэт

Раённы Савет дэпутатаў