Докшицкий районный исполнительный комитет

Адрес: 211720, г.Докшицы,
ул.Ленинская д.31
Телефон приемной:
8 (02157) 2-10-45  c 8.00 до 21.00
Телефон-факс:
8 (02157) 2-10-61 
Электронная почта райисполкома:
rikdok@vitebsk.by

Фонтан на центральной площади Костёл в г.Докшицы Автовокзал г.Докшицы Районный исполнительный комитет
Фонтан на центральной площади
Фонтан на центральной площади
Костёл в г.Докшицы
Автовокзал г.Докшицы
Районный исполнительный комитет
Главная / Новости / Новости района
12 марта 2019

Костя Сайковский из Докшицкого района победил в суперфинале республиканской интеллектуальной телеигры «Я знаю!» 

Чацвёртага сакавіка сямікласнік з Бягомльскай СШ Канстанцін Сайкоўскі (на здымку) стаў пераможцам у суперфінале тэлегульні «Я знаю». 

Стаць удзельнікам інтэлектуальнай гульні на сталічным тэлебачанні пад сілу далёка не кожнаму, а годна прайсці ўсе этапы, адказваючы на самыя складаныя пытанні вядучага, увогуле, могуць толькі адзінкі. У Косці гэта атрымалася.

“Было цікава, – сціпла выказаўся ён наконт удзелу ў вядомай гульні. – Вось толькі пытанні спартыўнай тэматыкі выклікалі пэўныя цяжкасці, бо не з’яўляюся аматарам спорту. Мяне цікавяць хіба толькі шахматы, як нагрузка для розуму”.

Маленькага эрудыта больш захапляе праграмаванне і робататэхніка, у прыватнасці, вывучэнне мовы праграмавання Scratch. Ён не траціць час дарэмна: любіць чытаць, а таксама даглядаць хатніх жывёл. У сям’і Сайкоўскіх зараз гадуюцца два папугайчыкі карэлы, чарапаха, два каты, сабака. Маецца таксама і акварыўм з прыгожымі рыбкамі. Косця любіць сваіх гадаванцаў, клапоціцца пра іх, але прызнаўся, што быць ветэрынарам не хоча, а марыць стаць вучоным. Бацькі падтрымліваюць захапленні сына і нават стараюцца на дні нараджэння дарыць штосьці карыснае: вялікі набор для хімічных вопытаў і эксперыментаў, тэлескоп, мікраскоп.

З пачатковых класах паспяхова ўдзельнічае у абласным дыстанцыйным конкурсе “Юны даследчык”. За гэты час вырошчваў салодкія крышталі, дэманстраваў працэс дыфузіі, праводзіў іншыя цікавыя экперыменты.

Штодзень сямікласнік спяшаецца ў школу, дзе стараецца кожныя 45 хвілін скарыстаць па максімуме. Ён хутка спраўляецца са школьнай праграмай, таму настаўнікі часта даюць яму індывідуальныя заданні, а на ўроках інфарматыкі ўвогуле выступае ў ролі памочніка настаўніка. З радасцю тлумачыць сваім аднакласнікам незразумелыя тэмы або паняцці, а вось да падказак ставіцца катэгарычна. Па яго словах, падобная дапамога – мядзведжая паслуга.

З адвагай удзельнічае і ў рознага роду алімпіядах. Так, у адкрытай расійскай інтэрнэт-алімпіядзе заняў трэцяе месца па рускай мове, другое – у міжнароднай анлайн-алімпія­дзе па англійскай. Цікавіцца культурай Англіі і марыць убачыць Лондан. Мэтанакіраванасць Косці Сайкоўскага і яго добрае валоданне англійскай мовай, будзем спадзявацца, дапамогуць увасобіць гэту мару ў жыццё.

Таццяна САКОВІЧ.

Фота аўтара.

http://www.dokshitsy.by/2019/03/kostya-sajkovskij-iz-dokshickogo-rajona-pobedil-v-superfinale-respublikanskoj-intellektualnoj-teleigre-ya-znayu/

Интернет-ресурсы