Адрес: 211720, г.Докшицы,
ул.Ленинская д.31
Телефон приемной:
8 (02157) 2-10-45  c 8.00 до 21.00
Телефон-факс:
8 (02157) 2-10-61 
Электронная почта райисполкома:
rikdok@vitebsk.by

Фонтан на центральной площади Автовокзал г.Докшицы Районный исполнительный комитет Костёл в г.Докшицы
Фонтан на центральной площади
Фонтан на центральной площади
Автовокзал г.Докшицы
Районный исполнительный комитет
Костёл в г.Докшицы
Главная / Новости / Новости района
4 декабря 2017

Информационно-игровая площадка открылась в Докшицком районе

У райцэнтры на тэрыторыі СШ № 2 з’явілася інфармацыйна-гульнявая пляцоўка. Яна ўяўляе сабой невялічкі комплекс з разнастайнымі спартыўнымі элементамі. Абсталяванне паставіла сталічная кампанія “Бэбистрой”. Па словах яе дырэктара Аляксея Вакульчыка, яна займаецца вырабам, зборкай і устаноўкай надворных дзіцячых прыстасаванняў для розных спартыўных практыкаванняў. Абсталяванне надзейнае і адпавядае ўсім неабходным як беларускім, так і еўрапейскім стандартам. На новай пляцоўцы можна “пакатацца” на пажарнай машыне і матацыкле, спусціцца з горкі, пагушкацца на арэлях і, бадай, самае галоўнае – дасканала вывучыць правілы пажарнай бяспекі з дапамогай устаноўленых інфармацыйных стэндаў.

Будаўніцтва пляцоўкі вялося на працягу пяці месяцаў у ходзе рэалізацыі мясцовай ініцыятывы ў рамках праекта “Садзейнічанне развіццю на мясцовым узроўні ў Рэспубліцы Беларусь”, які рэалізуецца Праграмай ААН пры фінансавай падтрымцы Еўрасаюза.

– Галоўным партнёрам мясцовай ініцыятывы “Бяду лепш папярэдзіць, чым затым пажар тушыць” выступіў раённы аддзел па надзвычайных сітуацыях, – сказаў у час урачыстага адкрыцця пляцоўкі, якое адбылося ў мінулую суботу, дырэктар СШ № 2 Іван Шкелка. – Непасрэдна будаўнічымі работамі займалася ПВГУП “ЯВГ-сэрвіс”. Прыватнае прадпрыемства, дырэктарам якога з’яўляецца Валерый Янчак, аказала таксама і фінансавую дапамогу. Спадзяёмся, што аб’ект стане своеасаблівым упрыгожаннем школы, і наведваць яго будуць не толькі нашы вучні, а і жыхары мікрараёна. Пры гэтым хочацца нагадаць пра беражлівыя адносіны да зробленага, каб пляцоўка ў будучым паслужыла не аднаму пакаленню школьнікаў.

Як адзначыла падчас урачыстасці намеснік старшыні райвыканкама Валянціна Рандарэвіч, гэта не адзіная ініцыятыва, якая рэалізуецца ў нашым раёне. Фінансавую падтрымку набылі такія з іх, як Фестываль дзвюх рэк, будаўніцтва спартыўнай пляцоўкі ў Бягомлі, правядзенне рамонту ў дзіцяча-юнацкай спартыўнай школе. У хуткім часе будзе рэалізоўвацца ініцыятыва па арганізацыі вольнага часу дзяцей у раённым Цэнтры дзяцей і моладзі.

Пасля ўрачыстасці хлопчыкі і дзяўчынкі з радасцю апанавалі новы комплекс і яшчэ доўга не разыходзіліся дадому. А выратавальнікі прадэманстравалі дзецям пажарную тэхніку, спецыяльнае аддзенне, гідраўлічны інструмент і іншае абсталяванне для выратавання людзей.

Тэкст і фота Таццяны ПАДБЯРЭЗКАЙ.

Интернет-ресурсы