Докшицкий районный исполнительный комитет

Адрес: 211720, г.Докшицы,
ул.Ленинская д.31
Телефон приемной:
8 (02157) 2-10-45  c 8.00 до 21.00
Телефон-факс:
8 (02157) 2-10-61 
Электронная почта райисполкома:
rikdok@vitebsk.by

Автовокзал г.Докшицы Костёл в г.Докшицы Фонтан на центральной площади Районный исполнительный комитет
Автовокзал г.Докшицы
Автовокзал г.Докшицы
Костёл в г.Докшицы
Фонтан на центральной площади
Районный исполнительный комитет
Главная / Новости / Новости района

Новости района

5 ноября 2018

Аглушальнымі апладысментамі сустракалі выхаванцы Докшыцкай ДзЮСШ шаноўную госцю – прызёрку Юнацкіх Алімпійскіх гульняў у Буэнас-Айрэсе дакшычанку Лізавету Дорц, якая прыехала да іх пасля таго, як вярнулася з Амерыкі. Менавіта ў сценах гэтай навучальнай установы яна пачынала свой шлях у спорт. Перспектыўную штурхальніцу ядра разгледзела яе трэнер Алена Аліноўская, якая і прапанавала дзяўчыне працягнуць вучобу ў Віцебскім вучылішчы алімпійскага рэзерву. Тры гады ўпартай работы над сабой і сваімі здольнасцямі – і першая ашаламляльная перамога сямнаццацігадовай лёгкаатлеткі на юнацкім чэмпіянаце Еўропы летам гэтага года. Акрамя гэтага, менавіта Лізавета Дорц чатыры разы перапісвала нацыянальны рэкорд у штурханні ядра, які цяпер роўны 17 метрам 90 сантыметрам.

– Любое спаборніцтва – гэта праверка сябе, сваіх здольнасцей і вялікай, да сёмага поту, папярэдняй працы, – гаворыць Ліза. – Нельга думаць пра тое, што побач – мацнейшы сапернік. Трэба верыць у сябе і ў свае сілы.

31 октября 2018

“Гэта было здорава, гэта было весела, гэта была маладосць!”– так успамінаюць свой удзел у моладзевай арганізацыі савецкіх часоў прыкладна ўсе, хто насіў тады камсамольскі значок, мець які лічылася за гонар. Тагачасны камсамол – гэта сапраўды эпоха ўдарнай працы, гераізму, актыўнай дзейнасці і вялікіх здзяйсненняў. Ён прайшоў слаўны шлях і ўпісаў у гісторыю краіны мноства яркіх старонак сваёй біяграфіі, дзе ёсць месца перамогам, героям і подзвігам. У большасці сваёй тыя камсамольцы былі рамантыкамі. Яны будавалі гарады, абаранялі Радзіму, рабілі адкрыцці. Менавіта таму імем камсамола названы гарады і горныя вяршыні, вуліцы і плошчы.

Напрыканцы 1918 года пасля 1-га з’езда Расійскага камуністычнага саюза моладзі на тэрыторыі Беларусі, вызваленай ад германскіх войскаў, пачалі ўзнікаць камсамольскія арганізацыі. У камуністычны саюз моладзі Беларусі афіцыйна яны аформіліся на з’ездзе камсамола Заходняй камуны, які праходзіў у Смаленску.

25 октября 2018

Падчас правядзення чарговага асабістага прыёму ў Докшыцах на мінулым тыдні да старшыні Палаты прадстаўнікоў Нацыянальнага сходу Рэспублікі Беларусь Уладзіміра Андрэйчанкі звярнуўся жыхар аграгарадка Параф’янава Анатоль Вахавіч з пытаннем па ачыстцы вадаёма каля дарогі на вёску Лібараўшчына з мэтай выкарыстання яго ў далейшым для купання і рыбнай лоўлі (на здымку). Галоўны інжынер Докшыцкага ПМС Мікалай Карпека патлумачыў, што вадаём быў ачышчаны ад залішняй травяной расліннасці экскаватарам ЭО-3223. Уцечкі вады праз затворы не адбываецца, але і запаўненне вадаёма магчыма толькі дзякуючы дажджам і раставанню снегу, паколькі падземных водаў там няма. Вадаём праектаваўся пад асушэнне: вакол знаходзяцца сельгасугоддзі ААТ “Докшыцкі райаграсэрвіс”. Было прынята рашэнне на аснове адпаведных дакументаў вызначыць, які ўзровень вады павінен быць у дадзеным вадаёме, якая роля адведзена яму ў меліярацыйнай сістэме, і, калі маюцца парушэнні праекта, выдзеліць неабходныя сродкі для іх ліквідацыі ў наступным годзе.

24 октября 2018

19 кастрычніка ў райцэнтры прайшоў злёт маладых спецыялістаў, на якім адбыўся “Адкрыты дыялог” з кіраўніцтвам раёна. У ім прынялі ўдзел 75 хлопцаў і дзяўчат, якіх у гэтым годзе размеркавалі ў працоўныя калектывы Докшыччыны.

Старшыня райвыканкама Алег Пінчук звярнуўся да прадстаўнікоў тых калектываў, якія прынялі да сябе новыя маладыя кадры.

– Кожны кіраўнік павінен стаць для сваіх маладых калег першым памочнікам і дарадцам. За плячыма любога паспяховага работніка стаіць мудры настаўнік, які некалі змог разгледзець у маладым чалавеку перспектыву, – падкрэсліў Алег Леанідавіч.

Намеснік старшыні райвыканкама Віктар Ганус закрануў пытанне жылля, спыніўся на ўмовах яго набыцця менавіта маладымі спецыялістамі і іх сем’ямі. 

23 октября 2018

Напярэдадні Дня маці ў аблвыканкаме прайшоў традыцыйны прыём шматдзетных маці. Прадстаўніцы самых розных прафесій, узростаў, якіх аб’ядноўвае галоўнае – любоў да дзяцей, сабраліся разам, каб прыняць ушанаванне ад кіраўніцтва вобласці. На ўрачыстасці 12 жанчын былі ўдастоены ордэна Маці, 25 – абласной прэміі імя З. Тусналобавай-Марчанка. Сярод апошніх і жыхарка Докшыц, маці чацвярых дзяцей Алена Касцюк.

Шчаслівую маці мы сустрэлі, як толькі яна вярнулася з урачыстага прыёму, на якім была разам з дзевяцігадовым Арсеніем. Хлопец трымаў у руках маміну ганаровую ўзнагароду і літаральна свяціўся ад шчасця, бо заўсёды лічыў, што яго мама – лепшая!

Алена Уладзіміраўна і сапраўды яркі прыклад развянчання стэрэатыпу, што ўдзел шматдзетных маці – днямі гатаваць ежу, мыць бялізну і нікуды не хадзіць далей за прадуктовую краму.

18 октября 2018

Па ініцыятыве Міністэрства лясной гаспадаркі ў межах Міжнароднага года чыстых лясоў у Беларусі 20 кастрычніка пройдзе дабрачынная акцыя “Чысты лес”. Далучыцца да яе правядзення і ДЛГУ “Бягомльскі лясгас”.

Як паведаміла намеснік дырэктара па ідэалагічнай рабоце ўстановы Ганна Ярашэвіч, штогод у акцыі “Чысты лес” па ўсёй рэспубліцы бяруць удзел звыш 10 тысяч чалавек.

Яе асноўная мэта – прыцягнуць увагу грамадскасці да неабходнасці беражліва адносіцца да лесу і не забруджваць яго. Нягледзячы на тую работу, якая праводзіцца галіной па навядзенні парадку ў лясным фондзе, па ранейшаму застаецца вострай праблема ўтварэння несанкцыянаваных сметнікаў будаўнічых і бытавых адкідаў, асабліва ў лясах, якія прымыкаюць да аўтамабільных трас і чыгункі, а таксама на пляцоўках для адпачынку і стаянкі.

Интернет-ресурсы